သေမင်းစာအုပ် (၃၇) (ဇာတ်သိမ်း)

"မင်း ဘာလုပ်မလဲ။ ဒီမှာပဲ ငါ့ကို သတ်မှာလား"
Light ရိသဲ့သဲ့ Near ကိုပြောလိုက်သည်။

သူ လိမ်ညာရန် မကြိုးစားတော့ဘဲ လွယ်လွယ်ကူကူ ၀န်ခံလိုက်သည့်အတွက် အားလုံးပင် အံ့အားတသင့် ဖြစ်သွားသည်။

"သေချာ နားထောင် ဟေ့ကောင်.. ငါဟာ Kira၊ ငါဟာ ကမ္ဘာသစ်ရဲ့ အရှင်သခင်။ အခု ငါတို့နေနေတဲ့ ကမ္ဘာမှာ Kira ဟာ ဥပဒေပဲ။ Kira ကြောင့်ပဲ ကမ္ဘာကြီး ငြိမ်းချမ်းနေတာ။ Kira ပဲ အမှန်တရားဖြစ်လာရမယ်။ Kira ဟာ လူတိုင်းရဲ့ မျှော်လင့်ချက် ဖြစ်လာရမယ်။ မင်းဘာပဲပြောပြော Kira ရှိခဲ့တဲ့ ၆ နှစ်အတွင်းမှာ စစ်ပွဲတွေ ချုပ်ငြိမ်းခဲ့တယ်၊ သိပ်ကိုဆိုးသွမ်းတဲ့ လူဆိုးတွေ ကုန်သလောက်ဖြစ်ခဲ့တယ်။ ဒါပေမယ့် ဒီကမ္ဘာကြီးဟာ ကောင်းမလာသေးဘူး။ ယုတ်ညံ့ အကျင့်ပျက်တဲ့လူတွေ သိပ်ကိုများလွန်းတယ်။ တယောက်ယောက်က တာဝန်ယူပြီး ကမ္ဘာကြီးကို ကယ်မှဖြစ်မယ်။ ဒါကြောင့်လည်း ဒီစာအုပ်ကို ငါရကတည်းက ငါကိုယ်တိုင် ဒီတာဝန်ကို ယူမှဖြစ်မယ်လို့ ဆုံးဖြတ်ခဲ့တာ။ အေးလေ.. ဒီတာဝန်ဆိုတာကလည်း ငါမှပဲ လုပ်နိုင်မှာကိုး။ လူသတ်တာ မလုပ်သင့်မှန်း ဥပဒေနဲ့ မလွတ်ကင်းမှန်း ငါသိသားပဲ။ ဒါပေမယ့် တခြားနည်းမှ မရှိတော့တာ။ ဘယ်ကောင်များ ငါ့လို လုပ်နိုင်လို့လဲ။ ဒီလောက်လုပ်ခဲ့ပြီးမှကွာ.. ကမ္ဘာသစ် ထူထောင်ဖို့ဆိုတာ ငါပဲလုပ်နိုင်တာ"
Light တယောက် အော်ကြီးဟစ်ကျယ်ပြောလိုက်၊ တည်တည်ငြိမ်ငြိမ်ပြောလိုက်နှင့် စကားများ ဆက်တိုက်ပြောချသွားလေသည်။

Near ခပ်ပြတ်ပြတ် တုံ့ပြန်လိုက်သည်။
"မှားတယ်။ မင်းဟာ လူသတ်သမားပါ။ ပြီးတော့ ဒီစာအုပ်ဟာလည်း လူ့သမိုင်းမှာ အဆိုးဝါးဆုံး လက်နက်တခုပဲ။ အမှန်တော့ မင်း သေမင်းကို ရှုံးသွားတာ။ စာအုပ်ရဲ့ ပါဝါကို မင်းမလွန်ဆန်နိုင်တာ။ ကမ္ဘာသစ်ရဲ့ အရှင်သခင်ဖြစ်ချင်တာကတော့ အဆိုးဆုံးပဲ။ တကယ်ဖြစ်သွားတာက လူတွေအများကြီးသတ်လိုက်တဲ့ လူသတ်သမား။ ဒါပါပဲ။ ဘာမှ ပြောစရာ မရှိတော့ဘူး"

... စောက်ရူးတွေ။ ဘယ်လောက်ပြောပြော နားကိုမလည်နိုင်ဘူး ...
Light ရင်ထဲတွေးရင်း
"Near မင်းအခုရထားတဲ့ စာအုပ်ရယ်၊ Aizawa ယူလာတဲ့စာအုပ်ရယ်၊ အဲဒီစာအုပ်တွေ အစစ်ဆိုတာ သေချာရဲ့လား"
ရုပ်တည်နှင့် မေးလိုက်လေသည်။

... ဟင်၊ ဒီကောင် အတည်လား၊ တပတ်ရိုက်ဖို့ ကြိုးစားနေတာလား ...
Near ပင် မရေမရာ ဖြစ်သွားသည်။

"ဒီစာအုပ်တွေ အစစ်ဟုတ်သလား မဟုတ်ဘူးလားဆိုတာ ငါတယောက်ပဲ သိတာနော်"
ကျန်လူများကို ကျောခိုင်းလျက် လမ်းလျှောက်ရင်း Light စကားများပြောနေသည်။

"Aizawa ရဲ့စာအုပ်ဟာလည်း အစစ်ဖြစ်တယ်ဆိုတာ သေချာဖို့ဆိုရင် ငါ့နာမည်ဖြစ်ဖြစ် Mikami နာမည်ဖြစ်ဖြစ် စာအုပ်ထဲမှာ ချရေးလိုက်ယုံပါပဲ"
Light ခပ်ဝေးဝေးတွင်ရပ်ရင်း ပြောလိုက်သည်။

"တကယ်လို့များ စာအုပ်က အစစ်ဆိုရင်..."
ကျောပေးလျက် Light ပြောရင်း နာရီအံဝှက်ကို ဖွင့်လိုက်လေသည်။
... ဒါမှမဟုတ်အတုပေါ့ကွာ ...
Light စိတ်ထဲမှကြိမ်းဝါးရင်း အိတ်ထဲမှ ဘောပင်ကို ဇတ်ကနဲ ဆွဲထုတ်၍ ရေးချလေသည်။

"ဖွက်ထားတဲ့ စာရွက်စဟေ့!!!!"
မျက်စိလျင်သော Lester အော်သံနှင့်အတူ အသီးသီး သေနတ်များဆွဲအထုတ်

"ဒိုင်း!!"
Matsuda ထံမှ သေနတ်သံ။

သူ့ကျည်ဆန်သည် Light ၏ ညာလက်ကို တည့်တည့်မှန်သည်။ Near ၏နာမည်တ၀က်သာ ရေးခွင့်ရလိုက်သည်။

သွေးချင်းချင်းနီသော လက်ကို ဘယ်လက်နှင့်ထိန်းကိုင်ရင်း Light မုန်းတီးစွာ လှည့်ကြည့်ပြီး
"ခွေးသား!!! မင်း ဘယ်သူ့ကို သေနတ်နဲ့ ပစ်တယ် ထင်နေလဲ!!! ငါ့ အကြောင်းသိမယ်ကွ!!!"

Matsuda ကား သေနတ်ဖြင့် ချိန်ထားရင်း
"မင်း ဘာကောင်လဲ!! မင်းအဖေ ဘာအတွက် အသေခံသွားတာလဲ!!"
တုန်ရီစွာ ပြန်အော်နေသည်။

"အဖေ ဟုတ်လား... ... Yagami Souichiro ကိုပြောတာလား။ သူတို့လို တရားမျှတမှု ဘာညာ အော်နေတဲ့လူတွေ ဒီလိုပဲ နောက်ဆုံးကျ ရှုံးကြတာပဲကွ!! မင်း အဲလို အဖြစ်မျိုး လိုချင်လို့လား!! သိပ်မတုံးစမ်းပါနဲ့ကွာ။ သတ်ပစ်လိုက်စမ်း!! ဒီကောင်တွေကို သတ်ပစ်လိုက်!!!!!!"
သွေးတစက်စက်ကျရင်း Light သွေးရူးသွေးတန်း အော်ဟစ်နေလေပြီ။

"ကိုယ့်အဖေကိုတောင် ကိုယ်တိုင် သေတွင်းတွန်းပို့ခဲ့တဲ့ကောင်.. မင်း အခုလည်း သူလိုလူမျိုးတွေကို မှိုချိုးမျှစ်ချိုး ပြောနေပြန်ပလား!! "
Matsuda ဒေါသတကြီး ပြန်အော်ပြန်သည်။

Light တည်ငြိမ်စွာစိုက်ကြည့်ရင်း လက်က လှုပ်ရှားသွားပြန်သည်။
ကျန်နေသော Near ၏နာမည်ကို သူ့သွေးနှင့် စာရွက်ပေါ်ရေးချင်းဖြစ်သည်။

"သူ့သွေး သူ့သွေး!!!!"
ဒီတခါတော့ သေမင်းစာအုပ် အလုပ်လုပ်ပုံအကြောင်း ဖတ်ရှုသိရှိထားသော Aizawa အော်လိုက်သည်။

"အား!!!! ဒိုင်း!! ဒိုင်း!! ဒိုင်း!! ဒိုင်း!!"
Matsuda အာခေါင်ခြစ်အော်ကာ တရစပ်ပင် ပစ်ထည့်လိုက်တော့သည်။

Matsuda ၏လက်မြန်မှုကြောင့် Near ၏နာမည်အပြည့်အစုံကို Light ပြီးအောင် မရေးနိုင်ခဲ့။

တကိုယ်လုံး ကျည်ဆန်ထိမှန်ကာ Light နောက်ပြန်လဲကျအသွား

"သတ်မယ်!!! ဒီကောင့်ကို သတ်မှဖြစ်မယ်!!"
Matsuda အော်ဟစ်ရင်း Light လဲကျနေရာသို့ ပြေးလာကာ ခေါင်းတည့်တည့်ကို ချိန်၍

"ဒိုင်း!!!"

ကျန်သူများ အပြေးဝင်ရောက်ဆွဲမှုကြောင့် ဖြူဖတ်ဖြူရော် မျက်လုံးအပြူးသား Light ၏ မျက်နှာဘေး တလက်မခန့်အကွာသို့ ကျည်ဆန်ဝင်ရောက်သွားခဲ့သည်။

သွေးအလိမ်းလိမ်းနှင့် Light ကား အတင်းလူးလဲထရင်း
"စောက်တလွဲ... ဟေ့ကောင် Mikami မင်း ဘာလုပ်နေလဲ!! လာစမ်း.. ဒီမှာ လာရေးစမ်း"

Mikami ကား ကြောက်ရွံ့ခြင်းတ၀က်၊ အံ့အားသင့်ခြင်းတ၀က်နှင့် ကြောင်၍သာ ကြည့်နေမိတော့သည်။

"Misa.. နင်ဘယ်မှာလဲ.. Takada ရော.. ဘယ်ရောက်နေလဲ ... တ.. တ .. တယောက်ယောက်လောက် .. ကျွတ်ကျွတ် ... နာလိုက်တာ.. နာလိုက်တာ ... "
Light လဲကျလျက်ကပင် ကယောင်ကတမ်း ရေရွတ်နေလေပြီ။

အဖြစ်အပျက်ကို မခံစားနိုင်တော့သော Mikami သည် သူ့လက်ထဲတွင် ကိုင်ထားဆဲဖြစ်သော ဘောပင်ကို အံကြိတ်ကာ သူ့ရင်အုံထဲ အတင်းထိုးသွင်း သတ်သေလိုက်လေတော့သည်။

"အား!!!!!!!!!!!!!!"
Mikami ၏ အသံနက်ကြီးနှင့်အတူ သွေးများ တရကြမ်း ပန်းထွက်လာတော့သည်။

ထိုအချိန်တွင်ပင် ကောင်းကင်မှ အလင်းတန်းတခု ကုန်လှောင်ရုံပေါ်သို့ ကျရောက်လာသည်။
လဲကျနေသည့် Light ငြင်သာစွာထကာ တံခါးကို ဆွဲဖွင့်၍ အပြင်သို့ထွက်သွားလေတော့သည်။

"Light မပြေးနဲ့"
Aizawa တို့ လိုက်မည်အပြု

"Mr.Aizawa သူ့မှာ တခြား စာရွက်စတွေ ကျန်မှာ မဟုတ်တော့ပါဘူး။ လိုက်မနေပါနဲ့တော့။ ဒီဒဏ်ရာတွေနဲ့ သူ ဝေးဝေးလည်း ပြေးနိုင်မှာ မဟုတ်ပါဘူး"
Light ၏သွေးအိုင်အနီးမှ ကျနေသည့် စာရွက်စလေးကို ကိုင်ကြည့်ရင်း Near ပြောလိုက်သည်။

"Near ဒီတခါတော့ မင်းပြောတာ ငါတို့ နားမထောင်နိုင်တော့ဘူး"
Aizawa ပြောရင်း သူတို့ တဖွဲ့လုံး ထွက်လိုက်သွားတော့သည်။

"ဟုတ်ပါပြီလေ။ သူ့ကို ခင်ဗျားတို့ပဲ တာဝန်ယူလိုက်ပါတော့"
Near သဘောတူလိုက်လေသည်။

Light ကား ညနေခင်း နေရောင်အောက်တွင် တဦးတည်း ဦးတည်ရာမဲ့ပြေးနေသည်ကို မီးခိုးခေါင်းတိုင်ထက်မှ ထိုင်ကြည့်နေသူကား Ryuk။
... မင်းရှုံးသွားပြီ Light။ ဟိုးအစောကြီးထဲက ငါပြောထားတာ မှတ်မိသေးလား .. မင်းသေရမယ့်အချိန်ကြရင် မင်းနာမည်ကို ရေးရမယ့်သူဟာ ငါပါဆိုတာ။ အဲဒါ သေမင်းနဲ့ သေမင်းစာအုပ်ကို ပထမဆုံး ပိုင်ဆိုင်တဲ့ လူသားနဲ့ ကြားက သဘောတူညီချက်ပဲ။ မင်း ထောင်ကျသွားရင် ဘယ်တော့မှ သေမယ်ဆိုတာ ငါလည်း မသိဘူး။ အချိန်တွေ အကြာကြီး ငုတ်တုတ်ထိုင်စောင့်ရဖို့ကိစ္စကတော့ စိတ်ပျက်စရာပဲကွာ။ အခုလည်း မင်းဘ၀က ဆုံးပါပြီ။ မင်းဆက်ပြီး အသက်ရှင်လည်း ဘာမှ အဓိပ္ပာယ်ရှိမှာ မဟုတ်တော့ဘူးလေ။ မင်းဒီမှာပဲ သေလိုက်ပါတော့ ...

Light ကုန်လှောင်ရုံတခုထဲဝင်ကာ ပုန်းအောင်းရင်း အနားယူနေသည်။
Aizawa တို့တတွေသည် လူစုခွဲကာ Light ကိုရှာဖွေလျက်။

Ryuk သူ့လက်ထဲမှ သေမင်းစာအုပ်ကို ဖွင့်ကာ Light နာမည်ကို ရေးချနေလေပြီ။
... အေးလေ အရင်အချိန်တွေကတော့ ကျေနပ်စရာပါပဲ။ တကယ့်ကို စိတ်ဝင်စားစရာ ကောင်းတာတွေ အများကြီး လုပ်ခဲ့ရတာပဲ။ ငါတို့တွေ ပျင်းကို မပျင်းခဲ့ရပါဘူး။ အဲဒီအတွက်တော့ မင်းကို ကျေးဇူးတင်ပါရဲ့ ...

Light ၏မျက်လုံးအစုံလည်း ထာဝရ မှိတ်သွားခဲ့လေပြီ။

----------------------------------

ဤတွင် သေမင်းစာအုပ် ဇာတ်လမ်းတွဲကြီး ပြီး၏။