သေမင်းစာအုပ် (၃၇)

တလောကလုံး တိတ်ဆိတ်သွားသည်ဟု ထင်ရသည်။
လူအားလုံးသည် ထိတ်လန့်ကြောက်ရွံ့စွာ မလှုပ်မယှက် ရပ်လျက်။

တမိနစ်သာပြည့်သွားသည်၊ မည်သူမျှ သေဆုံးခြင်းမရှိ။
"ကျုပ်တို့ မသေဘူး!! ကျုပ်တို့ မသေဘူး!! တမိနစ်လောက်တောင်ရှိပြီ၊ ဘယ်သူမှ မသေဘူး !! "
Matsuda ၀မ်းသာအဲလဲ ထအော်တော့သည်။

"ဒါကြောင့် ပြောတာပေါ့။ သေမှာ မဟုတ်ပါဘူးဆို"
Near ပြန်ပြောလိုက်သည်။

Light မှာကား မျက်နှာပျက်လျက်။

Mikami မှာလည်း အဖြစ်အပျက်ကို နားမလည်နိုင်တော့။
"ဘာလို့ မသေတာလဲ!! ဘာလို့ မသေကြတာလဲ! အရှင်!! ကျနော် အရှင် ခိုင်းတဲ့အတိုင်း တသွေမသိမ်း အားလုံး လုပ်ခဲ့တာပဲ!!"
သူ မယုံကြည်နိုင်စွာပင် အော်ဟစ်နေတော့သည်။

"Lester, Giovanni ဒီကောင့်ကို ဖမ်းတော့!!"
Near အလျင်အမြန် အမိန့်ပေးလိုက်လေပြီ။

Mikami ထွက်ပြေးရန်ကြိုးစားသော်လည်း အတွေ့အကြုံရှိပြီးသား Lester နှင့် Giovanni ကိုမကျော်လွှားနိုင်။

"Giovanni စာအုပ်ကလေး ယူခဲ့ပါ"

Near စာအုပ်ကို ရလေသော်
"ကဲ အားလုံးပဲ နာမည်တွေကို သေချာကြည့်ကြပါ။ ဒီထဲမှာ နာမည်မပါတာဆိုလို့ တယောက်ပဲရှိတယ်။ Yagami Light ပဲ"
သူတို့ နာမည်များ ရေးထားသည့် စာမျက်နှာကို ဖွင့်ကာ Near သွေးအေးအေး ပြောတော့သည်။

"Mikami က မင်းကို 'အရှင်' လို့လည်း ခေါ်တယ်၊ ခိုင်းတာ အကုန်လုပ်ခဲ့တယ် လို့လည်း ပြောတယ်။ အဖြေက ရှင်းနေတာပဲ"
Near ပြောအပြီးတွင်

"ဒါ ထောင်ချောက်ဆင်တာ။ Near ငါ့ကို ထောက်ချောက်ဆင်တာ။ စာအုပ်ထဲ နာမည်ရေးပြီးတာတောင် မသေဘူးဆိုတာ အဓိပ္ပာယ်မရှိဘူး။ အဲလို မသေတာကိုက ဒီကိစ္စကြီးဟာ လုပ်ကြံထားတဲ့ ထောင်ချောက်ဆိုတာ ပြနေတာပဲ!!"
Light ကြောက်အားလန့်အားနှင့် ကြံမိကြံရာ ပြောလေတော့သည်။

"ငါတို့တွေ မသေအောင်လို့ စာအုပ်ကို ပြင်ထားပါတယ်လို့ ငါမင်းကို ပြောသားပဲ"

"မဟုတ်ဘူး၊ မဖြစ်နိုင်ဘူး။ ငါ မယုံဘူးကွာ"
Light ဘူးခံ ငြင်းလေပြီ။

သူ Mikami ကိုညွှန်ပြပြီး
"ငါ ဒီကောင့်ကိုတောင် သိတာမဟုတ်ဘူး"

Mikami ကား စိတ်ထိခိုက်စွာဖြင့် ငြီးငြူရင်း ကြမ်းပေါ်ပင် ဒူးထောက်ကျသွားလေသည်။

Aizawa ရှေ့ထွက်လာကာ Light ပခုံကို ကိုင်လိုက်ပြီး
"Light စိတ်လျှော့လိုက်ပါတော့။ Near နိုင်သွားပါပြီ။ ခုနလေးတင်ကပဲ ငါနိုင်သွားပြီ လို့ မင်းပြောခဲ့တယ်လေ။ အဲဒီ စကားက မင်း Kira ပါဆိုတာ ၀န်ခံတာနဲ့ အတူတူပါပဲကွာ"

Matsuda မှာလည်း ၀မ်းပန်းတနည်း
"Light ရာ... ဘာဖြစ်လို့ မင်း Kira ဖြစ်ရတာလဲကွာ"

Light ခေါင်းငိုက်စိုက်ချကာ ရပ်နေတော့ Mogi ရှေ့ထွက်လာကာ Light ကိုလက်ထိပ်ခတ်ရန်အလုပ်
"ရပ်စမ်း!!"
Mogi လက်ကို ပုတ်ချကာ Light ပြေးထွက်ကာ အသေပိတ်ထားသည့် တံခါးများကို ခြေနှင့်ကန်၊ လက်နှင့်ရိုက်ပုတ်ရင်း လွတ်မြောက်ရေးအတွက် သွေးရူးသွေးတန်း ကြိုးပမ်းနေတော့သည်။

"Light, L, Kira .. မင်းရှုံးသွားပြီ။ ဒါပေမယ့် မင်းစိတ်သက်သာအောင် မင်းဘာလို့ ရှုံးသွားလည်း ပြောပြပါမယ်"
Near ၏ စကားကြောင့် Light ပြန်လှည့်ကြည့်မိသည်။

"တကယ်တမ်းတော့ မင်း နိုင်ဖို့ပါပဲ။ တချိန်လုံး မင်းတွက်ထားတဲ့အတိုင်း ငါတို့ လုပ်ခဲ့တယ်။ စာအုပ်အတုကြီးကို ပြင်ခဲ့တယ်။ ဒါပေမယ့် စောစောက ငါပြောတဲ့ စာအုပ်ကို ပြင်ထားတယ် ဆိုတာမှာ စာအုပ်အစစ်လည်း ပါတယ်ကွ။ အတုကို ငါတို့ နည်းနည်းပဲ ပြင်လိုက်တယ်။ အစစ်ကိုတော့ လုံးလုံးကို တအုပ်လုံး လဲလိုက်တာ။ တကယ့်အစစ်က ဟောဒီမှာ"
Near ပြောပြောဆိုဆို သူ့အင်္ကျီထဲမှ သေမင်းစာအုပ်ကို ထုတ်ပြလိုက်လေသည်။

Light ကား မယုံကြည်နိုင်။
"မဖြစ်နိုင်ဘူး။ လုံးဝ မဖြစ်နိုင်ဘူး"

Near စာအုပ် ၂ အုပ်ကို ယှဉ်ချပြရင်း
"ငါတို့ Mikami ရေးတဲ့ ဘောပင်မျိုးပဲ သုံးခဲ့တယ်၊ သူ့လက်ရေးအတိုင်း တထေရာတည်းတူအောင် ရေးခဲ့တယ်၊ စာအုပ် ရိနေတဲ့နေရာ၊ ပြဲနေတဲ့နေရာ၊ နွမ်းနေတဲ့နေရာ အကုန်လုံး တစမကျန်တူအောင်ကို သေချာလုပ်ခဲ့တယ်။ ဒါတွေအားလုံးကို Giovanni တညတည်းနဲ့ အပြီးလုပ်ခဲ့တာပေါ့။ အခု ငါ ဟောဒီစာအုပ် အစစ်ကို ကိုင်လိုက်တဲ့အတွက် သေမင်းကိုလည်း ငါမြင်ရတယ်"
Near ပြောပြီး Light တို့အနား ရပ်နေသည့် သေမင်း Ryuk ကိုနှုတ်ဆက်လိုက်သည်။

"တွေ့ရတာ ၀မ်းသာပါတယ် သေမင်းကြီး။ ကျနော် Near ပါ"

"ဟဲဟဲ ငါကလည်း တွေ့ရတာ ၀မ်းသာပါ့ကွာ။ ငါ့နာမည် Ryuk ပါ"

သူတို့ စကားပြောနေသည်ကို ကြည့်၍ Light နားလည်လက်ခံလိုက်လေပြီ။
.... ဒီကောင် Ryuk နဲ့ စကားပြောနိုင်တယ်ဆိုတော့ တကယ်ကို စာအုပ်အစစ် သူ့ဆီမှာပေါ့ ...

"ဒီစာအုပ်ထဲမှာ တချို့စာရွက်တွေ ဖြဲထားတာတွေ့တယ်။ အဲဒီ အပြဲတွေပေါ်မှာ ရေးရင်ကော လူသေလားဗျ"
Near သေမင်း Ryuk ကိုမေးလိုက်တော့

"အေး သေတယ်"

"ထင်သားပဲ။ ဒါဖြင့် ဒီစာအုပ်ကို ပုံစံမျိုးစုံ၊ နည်းအမျိုးမျိုးနဲ့ သုံးလို့ရတာပေါ့။ မင်း ငါတို့ကို ဘယ်နှစ်ခေါက်များ ဒီလိုပုံစံနဲ့ ဘတ်ခဲ့သလဲ၊ လူဘယ်နှစ်ယောက်များ အသတ်ခံလိုက်ရလဲ Light။ မင်းဟာ တကယ့် Kira ပဲ"

... တခုခုတော့ မှားနေတယ်။ Mikami များ ငါ့ကို သစ္စာဖေါက်လိုက်သလား ...
Light တွေးရင်း Mikami ဘက်လှည့်ကြည့်လိုက်တော့

"မင်းထင်သလို မဟုတ်ဘူးဟေ့ကောင်"
Near အသံထွက်လာလေသည်။

"ဒါတွေအားလုံးဟာ Melo ကျေးဇူးတွေကွ။ ငါဒီလောက် ပြောနေတာတောင် မင်းသဘောမပေါက်သေးဘူးလား။ ဟောဒီ စာမျက်နှာကို ကြည့်လိုက်ပါဦး"
Near ပြောရင်း စာအုပ်ကို Melo သေဆုံးသောနေ့သို့ ပြန်လှန်ပြလိုက်တော့

... ဟင်! Takada နာမည်ပါလား။ သူ့ကို ငါသတ်တာပါ။ ဘယ်လိုဖြစ်လို့ သူ့နာမည်ပါနေရတာလဲ။ ဒါဖြင့် Mikami လည်း သူ့ကို သတ်ခဲ့တာပေါ့ ...
Light တွေးပြီး Mikami ကိုလှည့်ကြည့်တော့

"အရှင် က စောင့်ကြည့်ခံနေရတယ်၊ ဘာမှ လှုပ်ရှားလို့မရဘူးလို့ ပြောထားဖူးလို့ Takada ကို ကျနော်သတ်မှ ဖြစ်မယ်ဆိုပြီး .."
Mikami မရဲတရဲ ပြောလေသည်။

... မင်း စောက်ရူးပဲ။ မင်းကို ဒီနေ့ရောက်တဲ့အထိ ဘာမှ မလိုတာတွေ မလုပ်ပါနဲ့လို့ ပြောထားတာကို!! ...
Light ကား တယောက်တည်း ပေါက်ကွဲနေလေပြီ။

"Takada အဖမ်းခံလိုက်ရတဲ့သတင်းပြပြီးပြီးချင်းပဲ Mikami ဘဏ်ကို ထွက်သွားတယ်။ Mikami ဟာ လတိုင်း ၂၅ ရက်နေ့မှာပဲ ဘဏ်သွားလေ့ရှိတယ်။ သူ့လို အရာရာ တိတိကျကျ လုပ်တတ်တဲ့ လူတယောက်က ၂ ရက်အတွင်း ဘဏ်ကို ၂ ခါသွားတယ်ဆိုတာ ပုံမှန်မဟုတ်ဘူး။ သူ Safety Deposit အခန်းထဲကို ၀င်သွားမှန်း သိလိုက်ရတယ်။ အဲဒီထဲမှာ Takada နာမည်ရေးထားတဲ့ စာအုပ်ကို တွေ့တာပဲ"
Giovanni ရှင်းပြလိုက်သည်။

"Light မင်းဟာမင်း စာရွက်အပိုင်းအစလေးနဲ့ လူသတ်လို့ရပေမယ့် Mikami လည်း မင်းသတ်တဲ့လူကိုပဲ သတ်မိလိမ့်မယ်ဆိုတာ မစဉ်းစားမိလိုက်ဘူးပေါ့။ အေးလေ.. အဲဒီအဖြစ်အပျက်ကြောင့်ပဲ စာအုပ်အတု ရှိနေနိုင်တယ်ဆိုတာကို ငါစဉ်းစားမိတာပါ။ Melo ကိုငါအများကြီး ကျေးဇူးတင်ရတယ်။ သူ့ကြောင့်သာ အခုလို လုပ်နိုင်တာ"
Near ပြောပြန်သည်။

... ဒီလိုတွေ ဖြစ်လိမ့်မယ်ဆိုတာ Melo ကြိုသိခဲ့သလား ...
Ridner တွေးနေမိလေသည်။

Melo သည် မသေမီက Ridner ထံဆက်သွယ်၍ သေမင်းစာအုပ် အလုပ်လုပ်ပုံများကို မေးမြန်းခဲ့သည်။ ထို့နောက် Ridner နားမလည်နိုင်သည့် 'ငါ လုပ်မှပဲ ဖြစ်မှာ' ဆိုသည့် စကားကို ပြောသွားခဲ့လေသည်။

Near စကားဆက်နေသည်။
"Melo ရော ငါရော တယောက်ချင်းမှာ L ကို မမှီပါဘူး။ ဒါပေမယ့် နှစ်ယောက်ပေါင်းလိုက်ရင်တော့ L ကိုယှဉ်နိုင်ယုံတင်မကဘူး၊ L ထက်ပါသာနိုင်တယ်။ ဒါကို Melo လည်းသိတယ်။ ဒါကြောင့် L ကိုယ်တိုင် အနိုင်မယူနိုင်ခဲ့တဲ့ Kira ကိုယှဉ်ဖို့ ငါနဲ့ လက်တွဲခဲ့တယ်။ အဲဒီအကျိုးဆက်ကြောင့် အခု ငါတို့ Kira ကိုမိပြီ။ ငါပြောသွားတဲ့အချက်တွေကို မင်းငြင်းနိုင်သေးရင်တော့ ငြင်းပါ။ ဒါမင်းရဲ့ အခွင့်အရေးပဲ"

Near စကားအဆုံးတွင် Light အူလှိုက်သည်းလှိုက် အရူးတယောက်ကဲ့သို့ ရယ်ပြီး
"ဟုတ်တယ်။ ငါ Kira ပဲ