သေမင်းစာအုပ် (၃၆.၂)

အဖွဲ့ နှစ်ဖွဲ့သည် မျက်နှာချင်းဆိုင်ရင်ဆိုင် ရပ်လျက်ရှိကြသည်။

Light သူ့ရှေ့မှ လူများကို ကြည့်ရင်း
... Near မင်း L လောက် မတော်ပါဘူးကွာ။ L ရဲ့မျက်နှာပုံစံ မျက်နှာဖုံးနဲ့ မင်းနဲ့ မတန်ပါဘူး ...

Aizawa က မိတ်ဆက်ပေးသည်။
"L အဲဒီလေးယောက်က SPK ကပဲ။ မျက်နှာဖုံး စွပ်ထားတာကတော့ Near ပါ"

Matsuda ကသိပ်သဘောမတွေ့။ သူ Near ကိုအော်ပြောလိုက်သည်။
"မင်းလုပ်ပုံက မဟုတ်သေးဘူး။ သူများကိုတော့ Kira လို့ စွပ်စွဲတယ်။ ဒါပေမယ့် မင်းကိုယ်တိုင်ကျတော့ မျက်နှာဖုံးကြီးစွပ်ပြီး ကိုယ့်ကိုယ်ကိုပဲ မသေအောင် ကာကွယ်ထားတယ်"

Near အေးအေးပင် ပြန်ရှင်းလိုက်သည်။
"ဒါက လိုလိုမယ်မယ်ပါ။ ကျနော်ကလွဲလို့ ကျန်တဲ့လူတွေအားလုံးကို Kira မြင်ဖူးပြီးသားဆိုတာ ကျနော် ပြောရဲတယ်။ ခုလောက်ရှိ ခင်ဗျားတို့နာမည်တွေ အားလုံး ရေးချပြီးရောပေါ့။ အဲတော့ကာ ကျနော့်ကို ၁ နာရီလောက်.. အင်း မိနစ် ၃၀ လောက်စောင့်ကြည့်ဖို့ အချိန်ပေးဗျာ။ တယောက်ယောက်များ Kira ပြုစားခံရပြီး သေမလားလို့ သိချင်လို့ပါ"

Near စကားကြောင့် အားလုံး ထိတ်ထိတ်ပြာပြာ ဖြစ်သွားကြသည်။

"ဘာရယ်! ငါတို့ သေမသေ စောင့်ကြည့်မယ်!"
Matsuda ဒေါသတကြီး ဆိုလေသည်။

Aizawa မှာ
... အင်း Light သာ Kira ဆိုလို့ကတော့ ငါတို့ မသေဘူးလို့ မပြောနိုင်ဘူး။ ပြီးတော့ ငါတို့ အသက်ရှင်နေလို့ သူ့အတွက် ဘာမှ အကျိုးရှိမှာမှ မဟုတ်တော့ပဲ ...

Light ကတော့
... အချိန်ဖြုန်းနေယုံရှိတာပေါ့။ ငါ ရယ်ချင်တာကို ဒီလောက် ခက်ခက်ခဲခဲ ထိန်းထားရလိမ့်မယ်လို့ မထင်မိဘူးကွာ။ ဟိုကောင် ရောက်လာရင် ပွဲပြီးပြီကွ ...

အားလုံးကား ရင်ထိတ်ကာ ချွေးများပြန်လျက်။
Matsuda မှာ ကြောက်ရွံ့စွာနှင့် နာရီကိုသာ သဲသဲမဲမဲ ကြည့်နေသည်။
အချိန်ကား တစတစ ကုန်လာသည်။

မိနစ် ၃၀ ကြာသော်
"Near မိနစ် ၃၀ ပြည့်ပြီကွ။ ဘယ်သူမှ ဘာမှ မဖြစ်ဘူးတွေ့လား"
စိတ်မထိန်းနိုင်သော Matsuda အော်ပြောလိုက်သည်။

"ဘယ်ဖြစ်မလဲ၊ ငါတို့ထဲမှာ Kira မှ မရှိတာ"
Light ကပြောလိုက်လေသည်။

"အင်း ဟုတ်ပြီ။ ဘယ်သူမှ ဘာမှမဖြစ်ဘူးဆိုတော့ ကျနော်လည်း မျက်နှာဖုံး ချွတ်လို့ရပြီပေါ့"
ပြောပြောဆိုဆို Near သူ့မျက်နှာဖုံးကို ချွတ်လိုက်လေတော့သည်။

မျက်နှာဖုံးချွတ်လိုက်သော Near ကို Light စူးစူးစိုက်စိုက် ကြည့်နေသည်။
Near က ခပ်တည်တည်နှင့် ရိသဲ့သဲ့ ပြုံးပြလိုက်ပြီး ယခင်လိုပင် ငြိမ်နေလိုက်သည်။

Light စိတ်မရှည်တော့။
"ဒါက ဘာသဘောလဲ Near။ မင်း ဘာကို စောင့်နေသေးတာလဲ"

Near တလုံးချင်း ပြောပြလိုက်သည်။
"စောင့်နေတာ.. ဟုတ်တယ်၊ စောင့်နေတာ။ ဒီပြဿနာကြီးကိုရှင်းဖို့ လိုနေတဲ့ နောက်ဆုံးတယောက်ကို စောင့်နေတာ"

Ide အံ့သြတကြီးနှင့် ထုတ်မေးမိသည်။
"ဘာရယ် လိုနေတဲ့တယောက် ဟုတ်လား"

"ဟုတ်တယ်။ ခဏနေရင် သူရောက်လာမှာပါ။ ခင်ဗျားတို့ သိတဲ့အတိုင်း ဒီအဆောက်အဦးကြီးက အလုံပိတ်ကြီး။ ဒီထဲကို ၀င်ဖို့ ဟိုတံခါးတချပ်ပဲရှိတယ်။ သူအဲဒီတံခါးကနေ ၀င်ကို ၀င်လာရမယ်၊ ဒါမှမဟုတ် အဲဒီကနေ ချောင်းကြည့်ရလိမ့်မယ်"
Near က Light ကိုယ်တိုင်ဖွင့်ပြီး ၀င်လာခဲ့သည့် တံခါးကိုညွှန်ပြပြီး ပြော၏။

"မင်း ဘယ်ကောင့်ကို ပြောနေတာလဲကွ၊ ဟိုလိုလို ဒီလိုလို လုပ်မနေနဲ့၊ ပြောစမ်းကွာ အဲဒီကောင် ဘယ်သူလဲဆိုတာ"
Matsuda မည်သို့မျှ သည်းခံနိုင်စွမ်းမရှိတော့။

"လောလောဆယ် Kira လုပ်နေတဲ့ကောင်ပါ၊ သူကိုယ်တိုင်ကတော့ Kira မဟုတ်ဘူး၊ သူက Kira အစား လူတွေသတ်ပေးနေတာ။ ကျနော့်အခေါ်အရတော့ X-Kira ပေါ့။ သူ စာအုပ်ယူပြီး လာပါလိမ့်မယ်။ ပြီးတော့ ကျနော့်နာမည်ကို စာအုပ်ထဲရေးလိမ့်မယ်၊ အဲ စာအုပ်အကြောင်းသိတဲ့လူတိုင်းရဲ့ နာမည်ကိုလည်း ရေးလိမ့်မယ်"
Near သေသေချာချာ ပြောပြလိုက်တော့သည်။

"ဘာတွေပြောနေတာလဲကွာ၊ ငါနားကို မလည်တော့ဘူး။ နောက်တယောက် ရောက်လာပြီး ငါတို့ကို သတ်လိမ့်မယ် ဟုတ်လား"

"အဲလို သတ်မှာကို ငါတို့က ထိုင်စောင့်နေရမယ် ဟုတ်လား"
Matsuda တို့ Ide တို့ ပြာပြာသလဲလဲ မေးကြလေ၏။

"ဟုတ်တယ်။ သူသတ်တာကို ထိုင်စောင့်ရမယ်။ သူ ဒီထဲဝင်လာရင် နှုတ်ဆက်ယုံပဲ နှုတ်ဆက်ရမယ်၊ တကယ်လို့ ၀င်မလာဘဲ အဲဒီတံခါး နည်းနည်းလေးပဲ ဟသွားတာ ခင်ဗျားတို့ သတိထားမိရင်လည်း မသိချင်ယောင်ဆောင်နေရမယ်"

"ဟာ မင်းရူးနေလား!"
Matsuda အော်သံအပြီးမှာပင် တံခါးဟသွားသည်ကို Near သတိထားလိုက်မိသည်။

"သူ ရောက်လာပြီ"
Near စကားသံအဆုံး အားလုံး မျက်လုံးများက တံခါးဆီရောက်သွားသည်။
တံခါးနောက်ကွယ်မှ မျက်လုံးတစုံကို သူတို့အားလုံး သေချာစွာ မြင်ရလေပြီ။

Mikami ကား သူနာမည်မမြင်ရသည့် Light ကို Kira မှန်းချက်ချင်းသိလိုက်သည်။
... အရှင်!!! ....

Mikami လွန်စွာ ကျေနပ်သွားပြီး ကျန်လူအားလုံး၏ နာမည်များကို အသေအချာမှတ်ကာ သေမင်းစာအုပ်ထဲ လျင်မြန်စွာပင် ရေးထည့်လေတော့၏။

စိတ်မြန်သော Matsuda မှာ သေရမည်စိုး၍ အော်ဟစ်ကာ သေနတ်ကို ဆွဲထုတ်လေတော့သည်။
SPK အဖွဲ့ဝင်များကလည်း ချက်ချင်းပင် သေနတ်များထုတ်ကာ Matsuda ကိုချိန်၍
"လုံးဝ မလှုပ်ပါနဲ့!"

အခြေအနေကို Near ၀င်ထိန်းပေးလိုက်ရသည်။
"ဘယ်သူမှ သေမှာ မဟုတ်ဘူး! စိတ်မပူကြနဲ့ !!"

Near အပြောကြောင့် နည်းနည်းတော့ စိတ်အေးသွားကြသည်။ သိပ်တော့ မယုံချင်ကြသေး။
"ဟ မင်းက ဘယ်လိုလုပ် သေမှာမဟုတ်ဘူးလို့ ပြောနိုင်ရတာလဲ"

"ကျနော် စာအုပ်ကို ပြင်ထားတယ်။ ကျနော့်လက်ထဲ စာအုပ်ရောက်လာတုန်းက စာရွက်တွေ လဲထားလိုက်တာ။ အခုအပြင်မှာ Kira အစား နာမည်တွေရေးနေတဲ့ကောင်က တနေ့ကို တမျက်နှာတိတိ မှန်မှန်ရေးနေခဲ့တာ။ အဲဒီတော့ ဒီနေ့အတွက် စာရွက်ကို ကျနော်လဲထည့်ထားခဲ့တယ်။ ဒါကြောင့် မသေနိုင်ဘူးလို့ ပြောတာ"

ထိုအချိန်အထိ Mikami မှာ နာမည်များကို ရေးဆဲ။ အထဲမှာ ပြောနေကြသည်များကို သူမကြား။

"အပြင်ကကောင် နာမည်တွေရေးပြီးရင် ကျနော်တို့ သေမသေ သေချာအောင် ပြန်ချောင်းကြည့်လိမ့်ဦးမယ်။ အဲဒီအခါကျ ခင်ဗျားတို့ သူ့ကို ဖမ်းလို့ရပါပြီ။ သူ့ဆီက စာအုပ်ယူပြီး ကြည့်ကြမယ်။ စာအုပ်ထဲမှာ နာမည်မပါတဲ့လူဟာ Kira ပဲပေါ့"

Light ကား Near ပြောနေသည်များကို နားထောင်ရင်း ရယ်ချင်စိတ်ကို ကြိတ်မှိတ်မြိုသိပ်နေရသည်။
.... တကယ်ကို ငါကြံစည်ထားတဲ့အတိုင်းပဲကွာ။ မင်းစာအုပ်ကို ပြင်လိမ့်မယ်လို့ ငါတွက်ထားပြီးသားပါ Near။ အဲဒီမှာ မင်းရှူံးသွားတာပဲ။ မင်းပြင်လိုက်တဲ့ စာအုပ်ဟာ Mikami ကို ငါလုပ်ခိုင်းထားတဲ့ စာအုပ် အတုကြီးကွ။ စာအုပ်အစစ်ကို ဖွက်ထားပြီး အခုမှ ထုတ်သုံးခိုင်းထားတာကွ။ ဟားဟားဟား ....

Light သည် Mikami ကို စာအုပ် အစစ်နှင့်မခြား တအုပ်လုပ်ခိုင်းခဲ့ပြီး စာအုပ်အစစ်ကို Takada ဆီသို့ပို့ခိုင်းခဲ့သည်။ ထိုနောက်ပိုင်း တကယ်တမ်း လူသတ်မှုများ ကျူးလွန်နေသည်မှာ Takada ဖြစ်သည်။ Mikami မှာကား လူလယ်ခေါင်တွင်ပင် စာအုပ်ကို အသုံးပြုမှုများ ပြုလုပ်ခိုင်းခဲ့သည်။ ရထားပေါ်မှ လူသတ်မှုသည်ပင် တကယ်တမ်း Takada မှကျူးလွန်ခဲ့ခြင်းဖြစ်သည်။ လူသတ်မှု မကျူးလွန်မီ Mikami မှ Takada ကို ဖုန်းဖြင့် နာမည်ပြောပြခဲ့ခြင်းဖြစ်လေသည်။ ထို့ပြင် အစစ်နှင့်အတု ခွဲမရစေရန် စာအုပ် ၂ အုပ်လုံးတွင် နာမည်များတူညီစွာ ရှိနေဖို့ သူတို့ နှစ်ယောက် ဆက်သွယ်လုပ်ကိုင်ခဲ့ခြင်းဖြစ်သည်။ Near ကို ယခုလို လှည့်စားရန် တရက်လျင် တမျက်နှာထက် မပိုရန်၊ မလျော့ရန်လည်း Light မှညွှန်ကြားထားခဲ့သည်။ ထို့ပြင် Light သည် ပို၍ သေချာရန် Mikami ကို သေမင်းစာအုပ်အတုအား နေ့စဉ်သေချာစစ်ဆေးရန် ညွှန်ကြားခဲ့ရာ စာအုပ်ကို ပြုပြင်ထားမှန်း ကြိုတင်သိရှိခဲ့သည်။

... Mikami ဆီက စာအုပ်ပြင်ထားတယ် သေချာတယ်ဆိုတာ သိရကတည်းက ငါနိုင်ပြီဆိုတာ သေချာနေခဲ့တာပေါ့ကွာ။ စာအုပ်အစစ်ကို ဖွက်ထားပြီး အခုမှ ထုတ်သုံးတယ်ဆိုတာ မင်းတို့ မသိတာမှာ ခံရတာပဲ။ ဒါပေမယ့် Near မင်းနိုင်ဖို့ အခွင့်အလမ်း ရခဲ့ပါတယ်။ မင်း L လောက် အသုံးမကျခဲ့လို့ မနိုင်တာပါ။ မင်း သိပ်ပျော့ညံ့လွန်းတယ်။ L သာဆိုရင် ဒါ စာအုပ်အတု ဖြစ်နိုင်တယ်လို့ တွေးမိပြီး စာအုပ် အစစ်ဟုတ်မဟုတ် စမ်းကြည့်ဦးမှာ။ အဲဒီအခါကျရင် အတုမှန်း သိမှာပဲ။ မင်း ငါ့ပြိုင်ဘက်မဟုတ်ပါဘူး Near။ မင်းက လှလှပပလေး နိုင်ချင်တယ်။ မင်းရဲ့ အဲဒီအမှားကြောင့် ဒီက လူတွေ အကုန်သေရတော့မယ်။ Kira ကတော့ လုံးဝ အနိုင်ရသွားတော့မှာပေါ့လေ ....
Light ကျေနပ်စွာ တွေးလိုက်ပြီး
"အပြင်က တယောက်၊ နာမည်တွေ ရေးလို့ ပြီးပြီလားဗျ"
ပျူငှာစွာ လှမ်းမေးလိုက်သည်။

Mikami ကား Light အသံကြားသည်နှင့် ချက်ချင်း သိလိုက်သည်။
... ငါ့ရှင်! ...
"ပြီးပါပြီ"

အဖြေအကြားတွင် Light ကျေနပ်လွန်း၍ ရယ်မောချင်လာကာ ပါးများပင် တဆတ်ဆတ်တုန်လာတော့သည်။
... ဟင့်အင်း မရယ်နဲ့ဦး။ စက္ကန့် ၄၀ မှာ လူတိုင်းသေမယ်။ ငါ့အနိုင်ကို ၃၅ စက္ကန့်မှာမှ ကြေငြာမယ်။ အောင့်ထားလိုက်ဦး နောက် ၃၅ စက္ကန့် ...

Near ကရုတ်တရက်
"နည်းနည်း မထူးဆန်းဘူးလား။ သူ ဘာလို့ မင်းမေးခွန်းကို မလိမ်မညာ အမှန်အတိုင်း ဖြေတာလဲ"

Light က ရုပ်တည်နှင့်
"သြော်.. ဘယ်သူ သိတာလိုက်လို့၊ သူက လူရိုးလေးဖြစ်ချင်ဖြစ်နေမှာပေါ့။ ဒါမှမဟုတ် မင်းအကြံအစည်တွေကို တွေးမိပြီး မင်းထက်သာအောင် လုပ်လိုက်နိုင်လို့ အမှန်အတိုင်း ပြောတာလည်း ဖြစ်ချင်ဖြစ်မှာပေါ့"

"Mikami Teru။ အထဲဝင်လာခဲ့ပါလို့ ဖိတ်ခေါ်ပါတယ်။ ခင်ဗျား Kira အတွက် လူတွေသတ်ပေးနေတယ်ဆိုတာလည်း ကျနော်သိပါတယ်။ လာပါ၊ ၀င်ခဲ့ပါ"
Near ရဲရဲရင့်ရင့် ဖိတ်ခေါ်လိုက်သည်။

Mikami ကား ရုတ်တရက် ကြောင်ကာ ဘာလုပ်ရမှန်းမသိ။

"ခင်ဗျား နာမည်တွေ ရေးပြီးပြီဆိုမှတော့ ဘာကြောက်စရာ ရှိလဲဗျ။ ၀င်လာခဲ့ပါ"
Near ထပ်ခေါ်လိုက်ပြန်သည်။

"Mikami Teru ဟုတ်လား။ ကဲ အဲဒီမှာ ပုန်းမနေပါနဲ့တော့။ ၀င်ခဲ့လိုက်ပါ"
Light စိတ်လက်ပေါ့ပါးစွာ ရွှင်ရွှင်မြူးမြူး ခေါ်ပေးလိုက်တော့

... ငါ့ရှင်! ....
Mikami ချက်ချင်းပင် တံခါးဝတွင် ပေါ်လာတော့သည်။

"ပထမဆုံး နာမည်ရေးပြီးတာ ဘယ်လောက်ကြာပြီလဲဗျ"
Light က မဆိုင်းမတွ မေးလိုက်တော့

Mikami နာရီကို သေချာစွာကြည့်ကာ
"၃၀...၃၁...၃၂...၃၃...၃၄...၃၅...၃၆...၃၇...၃၈...၃၉"

Light အလျင်အမြန် ဖြတ်ကာ
"Near.. ငါနိုင်သွားပြီ"

ထိုအခိုက်မှာပင် Mikami ၏အော်သံထွက်လာတော့၏။
"၄၀!!!!!